|
|
ʾǝtwa gu dohok ʾēzǝdnaye. ʾani mǝn mišpaḥat newuxadneṣṣǝr wewa. g-ǝmríwalu kazdim, bas ʾắxǝni g-ǝmríwalu ʾēzǝdnaye. ʾani ʾǝ́twalu ʾilaha dohun ṣạṭạṇ wewa - ṣạṭạṇ! xa yoma ṯele xaʾ, ṯele l-ʿamǝdya, xa mǝn d-anna ʾēzǝdnaye g-mzabǝnwa ṣạbun. ʾaz ʾana šméʾwali g-ǝmri ʾilaha dohun ṣạ́ṭạṇile, ʾaz ʾana mṣọʿǝ̣ṛṛị ṣạṭạṇ. ʾawa ʾrǝqle baṯri gǝbe qaṭǝ́lwali, ʾo ʾēzǝdnaya!
ʾaz ʾani, ʾắxǝni k-šamʾaxwa mǝn kullu, mǝn baba l-baba, g-ǝmriwa ʾēzǝdnaye ʾǝtlu másḥafe raš t-hudaye. ʾu ʾawa qam-šaqǝ́lwale hǝnna, nǝwuxadneṣṣǝr wǝlle mǝṯya ʾǝllu. ʾani mišpaḥa dóhunilu d-wǝllu kǝs dohuk. ʾitena maṯwaṯa ṛaba dohun. g-ǝmri ʾǝtlu xa šex ʾuṛwa, ʾo masḥaf wǝlle kǝsle, wǝlle gu xa beṯa čuxxa la g-naqaḥ ʾǝlle. |
|