skip to navigation skip to content

Dohok, Jewish: Weddings of the Jews of Dohok

0:00
Transcribed by Source Speakers Place
Dorota Molin - Yefet Mizrahi Jerusalem

Transcription

Translation

Xă g-əbe-wa gawə̀rwa,ˈ mằni g-ezəl-wa?ˈ
K-xāze-wa [H]lemašal[H] xa-bràta,ˈ brat mằni=la?ˈ
Mằni g-ezə̀l-wa?ˈ Bàbe.ˈ
B-āmə̀r-wa-leˈ ʾana b-azən ʾeha bràta,ˈ brāt hənna… plòni,ˈ
ṭalbə̀nna ṭalox.
B-āzə̀l-wa,ˈ b-ṭālə̀b-wa-la ṭale.ˈ
b-xàzè-wa-la.ˈ Qăbəl b-xàzè-wa-la,ˈ
Yaʿăni kullu k-iʾè-wa xă u-xēt,ˈ kullu b-k-iʾè-wa xă u-xeta.ˈ
B-qablì-waˈ āzəl-wa kəs bàba,ˈ
b-ṭālə̀b-wa-la mənne,ˈ baba k-šāqəl-wa mənne mŏ̀har.ˈ
šāqəl-wa b-amər-wa [H]lemašàl[H]ˈ g-ə̀bənˈ tré-ʾəmma dinàre.ˈ
[H]b-qavʿi-wa[H] [H] taʾarìx[H] ʾimal bgori.ˈ
Qăbəl kùlluˈ b-oði-wa ḥə̀nna.ˈ
B-oði-wa qə̀dduš.ˈ
mqādə̀š-wa-la,ˈ b-amri-wa lemašàl, ʾəštá yarxe xeta b-gòri.ˈ
ʾanna pare dət baba k-šāqəl-wa mòhar,ˈ
G-ezəl-wa g-zāwən-wa ṭala ʾawàye.ˈ Jùlle,ˈ dèhwa,ˈ
p-peša-wa yomət daʿăwa.ˈ
b-lele… goði-wa-le ḥənna.ˈ
mən āṣə̀rta ḥil [H]’ulay[H] saʿa ʾarba xamša bənòke.ˈ
kùlle leleˈ g-raqðì-wa,ˈ g-zamrì-wa,ˈ k-ṭarpi-wa,ˈ
ḥil p-peša-wa bənòke.ˈ
bənoke g-ezi-wa xapča g-damxì-wa,ˈ q-qemì-wa.ˈ
mabli-wa xə̀tna.ˈ
g-mablí-wa-le [H]ḥaverìm[H] dide,ˈ gùre, l-nèhra,ˈ u-bnàθaˈ mabli-wa l-kalo.
mašxəni-wa tama màye,ˈ u-k-xepì-wa-le,ˈ
u-kalo [H]oto hadavàr[H].ˈ
baθər hadax g-maluši-wa-le jùlle,ˈ
u-g-markəwí-wā-le l-sùsa.ˈ
u-g-meθé-wa-le ḥil beθət be-kàlo.ˈ
[H]ḥaverìm[H] dideˈ kma xurawàθa hāwé-wa-le,ˈ
māṭe-wa,ˈ b-āθe-wa l-bēθ be-kàlo,ˈ
u-p-šaqlì-wā-la tamaˈ p-šaqlì-wa-laˈ kalo mabqì-wa-la.ˈ
xə̀tna u-[H]ḥaverìm[H] dide k-eθe-wa l-beθa p-šaqlì-wa-la,ˈ
dət ʾoði ševa braxòt.ˈ
ʾaz tama xamka naqle b-amri-wa ta-xə̀tnaˈ
ʾaxni g-əbax ʾoha məndi, ʾoha məndi, ʾoha məndi, ʾòha məndi.ˈ
Là,ˈ là k-šaqlət-ta. Là g-yā̀wax-la.ˈ
Xamka naqle làθ-wa-le ʾurxa,ˈ g-yawə̀l-wa.
Mən tama g-mablì-wa-la,ˈ kəs be xə̀tna,ˈ
g-oði-wa ševa braxòtˈ u-g-gorì-wa,ˈ
[H]ʾaval[H] lēl daʿăwa là g-garša-wa ṛaba.ˈ
ʾagar g-oði-wa [H]haxi ṛaba[H] hə̀nna…ˈ lelət ḥə̀nna.ˈ
Bega kullu naše k-xalsi-wa g-ezi-wa kullu nàše,ˈ
kudxa g-ezəl-wa l-bèθe.ˈ
Bega g-maʾurì-wā-luˈ go ʾòða,ˈ kalo u-xə̀tna,ˈ
là k-iʾe-wa,ˈ lewa dax ə̀dyo,ˈ dət g-ezi muxðàðe,ˈ trè šənne,ˈ ṭḷà šənne,ˈ xamšà šənne,ˈ ʾəsrà šənne,ˈ
tàmaˈ ʾafəllu hàtxa la ʾuð-wa-lu bət ʾiðu.ˈ
la [H]bètah[H],ˈ kudxa bēt gyàne.ˈ
ʾawa go bèθe, ʾaya go bèθa.ˈ
ʾaz maʾuri-wā-lu go ʾòða,ˈ ʾaya là k-iʾa čuməndi,ˈ ʾawa là k-iʾe čuməndi,ˈ
ʾaz k-eθe-wa xằ g-mālə̀p-wa-leˈ u-xằˈ māləp-wa kàlo.ˈ
[H]miskena[H] la k-iʾa čŭ̀məndi.ˈ
u-hatxa ḥil k-peši-wa… xətna u-kàlo,ˈ u-g-əmri-wa pəšlu kalo u-xə̀tna.ˈ
derət yṑm,ˈ b-āθe-wa m-bənòke,ˈ kud yṑm,ˈ šoʾà yome,ˈ mablí-wā-le xətna l-knə̀šta,ˈ
hənna mṣàle-wa,ˈ
ʾəθwa tama [H]tizmòret,[H]ˈ dohola u-zə̀rna,ˈ
mabli-wā-le ḥìl knəšta.ˈ
ʾani b-yatwi-wa ltàma,ˈ
ʾawa b-ʾawər-wa go knə̀šta, gə-mṣālè-wa,ˈ k-xàləṣ-wa,ˈ
u-hənna xurawaθa dide napqì-wa,ˈ g-ezi-wa ʾəθwa xa dùkaˈ [H]me-ḥùts le-kfar[H],ˈ
dət tama g-raqðì-waˈ u-g-mabli-wa ʾixàla, ḥil ʿāṣə̀rta.ˈ
ʿāṣə̀rta xa-ga-xet g-madʾərì-wā-le,ˈ g-ezi-wa l-knə̀šta,ˈ gə-mṣālè-wa,ˈ
u-g-darʾi-wa l-bèθa,ˈ
u-g-yatwì-wa,ˈ g-zamrì-wa,ˈ kəxlì-waˈ u-k-šate,ˈ u-ʿằraqˈ u-mằ ʾāt gəbat.ˈ
šoʾà yome.ˈ šoʾà yome hatxa g-oði-wa,ˈ kùd yòm.ˈ
u-kullu xurawaθa dide là g-ezi-wa l-šula.ˈ
mằni b-aze l-šula?ˈ Kullu g-əbe fàrḥi.ˈ
kalo g-loša-wa julle sqìle.ˈ
ʾal julle wewaˈ [H]ʾaval[H] sqìle.ˈ
ʾaz ʾani g-əmrì-wā-la ṣùdra,ˈ u-kùrtak,ˈ
u-g-darya-wa b-rèšaˈ xa-kafìya,ˈ ʾə́θwā-la ṛaba… numnùme.ˈ
ʾə́θwā-la dèhwa,ˈ mən daxxa hal dàxxa.ˈ
u-k-ṣoʾé-wa-lu ʾiða bət ḥə̀nna,ˈ k-iʾe-wa ʾaya kàlō=la.ˈ
ʾawa-ž g-lāwəš-wa julle… g-lawəš-wa šal u-šàppek.ˈ
[H]ənna pantàlon ʾu…jakèt, [H]ʾaval[H] la jakét [H]moderni[H]ˈ [H]kèn[H],ˈ
[H]ve-tamid[H] g-maluší-wā-le xa-[H]glìma[H], xwàrta,ˈ dət hənna… dət ràv,ˈ
dət mbàyən-wa dət k-iʾe ʾo xə̀tnā=le.ˈ



show raw texts