|
xá məšpaxàˈ xa-famíl gal-⁺də́ġde kullú xayèwa.ˈ bratàˈ híwalu gorà,ˈ xlulá wə̀dla.ˈ xá-yoma ədyèlaˈ mə́ra dàyˈ ⁺amān-ha-šém lá-ayolan m-òdan.ˈ xá-gora məšlifə̀lli,ˈ zílan gàllew.ˈ zadúlan gorí ayèl,ˈ ⁺talə̀qli.ˈ baàwˈ jəgràw idáyle.ˈ əsrá-š ⁺yále ə̀twala,ˈ bronawé ⁺mbul-xa-bratà,ˈ əsrà-š ⁺yále bronawé-twala.ˈ bronawé kullú ytíwiwa ya-jùrˈ g-⁺otā̀ġˈ gal-⁺də́ġde qaraà-welu.ˈ šmèlu kíˈ bratàˈ xaluntàˈ xaluntú mà-məra ba-⁺dàa.ˈ ⁺daá mə́ra bàaw,ˈ mə́ra bràti,ˈ ⁺aqláx lèka-ile?ˈ mə́ra.ˈ áxča šənnéle ki-ána gwiràn,ˈ ayné axonawáx ki-xazulàttuˈ făqàtˈ xayùˈ ày dadáx-ile.ˈ ayne-xét kullùˈ m-jùwe gure-ilu.ˈ ⁺hal-attá là-qbəltanˈ dadáx ayèl.ˈ ⁺yalé šamùlule ya-xabráˈ ⁺ràba niga⁺rā́n pyašú.ˈ là ayolúˈ èmnyu ílu brōn-dàdu-ileˈ émnyu lèwu.ˈ mən-⁺daù-š la-baqorú.ˈ kúlla ⁺wadá g-d-ay-fkə̀r welú.ˈ izalùˈ geb-Šlómo ha-mèlex.ˈ màruˈ Šlomó ha-mélex hawé basimàˈ áxni xá axxa-xabrá šəmyéx ⁺m-daàn.ˈ ⁺rába niga⁺rā̀n-ilex.ˈ dadán-əš xaá lèweˈ ki-baqréx mə́nne èmnyan bronéw-ilex,ˈ o-dádət èmnyan-ile.ˈ ā́t čún ⁺šultàneletˈ ayolèt.ˈ baàn mar-xazexˈ èmnyan brōn-dadán-ilex.ˈ Šlómo fkə̀r wadé,ˈ fkə̀r wadé.ˈ máre xzìmun.ˈ ezétun reš-qórət dadxùn.ˈ kùd mə́nxun xá-danka ⁺síwa antétun.ˈ dahétun g-qoréw kəmmə̀t ⁺məssétun.ˈ jəgrèw ⁺paltétune.ˈ dhúlun g-qorèw,ˈ bára ⁺idámun gebì,ˈ ána báxun amrènˈ atxún emnixún bronèw-iletun.ˈ
yaroqùlla reš-qorət-dadú.ˈ kúd-mənnu xá-danka ⁺siwà antúlu,ˈ daholù,ˈ daholù,ˈ daholù,ˈ daholù.ˈ xayú ⁺smix kanā́r là daholé.ˈ paroqù.ˈ idàylu geb-Šlómo ha-mélex,ˈ màruˈ dhə́llan bắle héč-⁺məndəġ là-yəllan.ˈ mə́re lá atxun-là-ayoletun,ˈ bắle anà-ayolen.ˈ kullxùn dhə́llxun?ˈ mə́ru là,ˈ yàˈ xayùˈ là dhəllé.ˈ axní dhə̀llan,ˈ mə́ran báa la-dahòlet?ˈ mə́re ána là dahén.ˈ mə́re ò-ile brōn-dadxún.ˈ ó ki-la-dhə́lle g-qórət dadéw ləbbéw qəllè.ˈ bronéw ò-ile.ˈ atxún héč mənxún bronéw lewètun.ˈ ⁺ondà yəllúˈ ki-yá dadú lèweˈ făqát dádət d-ay-bronà-ileˈ ki-⁺rahmèw ədyeléˈ qorá la-dhə̀lle.ˈ dadú jùwe-naš xdír,ˈ ki-⁺daú la-maqulà,ˈ bắle dádət d-ò broná,ˈ čun-Šlómo ha-mélex mə̀reˈ o-broná g-qórət dadéw la-dhə́lle ləbbèw qílˈ dadéw ò-ile.ˈ |
|