|
bəqróx mən-didìˈ kəmrètˈ hulaé Kurdəstā̀nˈ čəkmà-yeluˈ wa-čəkmà šəné ga-dóka xirèn?ˈ mən-lə̀ma hiyén báqa Kurdəstā́n?ˈ ʾárz hòna,ˈ m-zămàn-eˈ Kuréš-e Kăbìrˈ hiyén báqa Hămădā̀n,ˈ ʾAsfăhā̀n,ˈ Golpayăgā̀n.ˈ ʾáy təlḥá tʷké hulaé ràba xirén gáu.ˈ čùnˈ Širā̀z-uˈ … Širā́z ʾo-waxtắra ba-šəme ʾƏstàxr xirté-yaˈ … ʾƏstàxr-uˈ ʾƏsfăhā̀n-uˈ Golpayăgā̀n-uˈ Hămădā̀n,ˈ ʾənyexáe paetaxtèˈ Kuréš-e Kăbìr xirén,ˈ səlsəlá-e ʾaxamanešì.ˈ hulaé ke-hiyén báqa dòkaˈ bàr-d-oˈ părăkandà xirén mən-dokáˈ hiyén báqa Kurdəstā̀n,ˈ xá ʿədà,ˈ lá kŭlè.ˈ xá-ʿəda mən-ʾƏsfăhā̀n hiyén. xá-ʿəda mən-Golpayăgā̀n hiyén.ˈ xá-ʿəda mən-Širā̀z hiyén.ˈ xá-ʿəda mən-Ḥămădā̀n hiyénˈ báqa Kurdəstā̀n.ˈ ʾó waxtắra ʾənyexáe ga-Kurdəstā̀nˈ qărìb-eˈ ʾalpà baté.ˈ ʾalpá baté hulaé ga-Kurdəstā̀n xirà-y,ˈ Kurdəstā̀n-uˈ ʾaṭrā̀f-e Kurdəstā́n.ˈ |
|