|
ʾiḏawàṯa,ˈ ʾə́tlan ʾíḏəd bi-yə̀lda,ˈ kə-mʾèdax ʾəb-gáwəḥ,ˈ bə-xámša-w əsrì.ˈ yóm d-árba-w əsrí k-òḏax,ˈ ʾárba-w əsrì,ˈ b-trèsərˈ k-óḏax tàhra,ˈ ʾu-xámša-w ə́sri ʾáhulə ʾíḏəd mawláda m-màran.ˈ ʾu-kə-mʾédax gàwəḥˈ tláṯa yòmə.ˈ yóma qamàyaˈ kə-mʾédax xorawàṯan,ˈ ʾu-xà k-zál eka-xə̀nna,ˈ ʾeka-nəšwàṯa.ˈ yóma də̀-trəˈ ʾək-pálṭax ʾəl-baràyə,ˈ ʾəl-šérəd Már Benhàmˈ ʾaw-šérə m-Már Màtti.ˈ ʾu-k-zálan k-šáqlax ʾixàla mə́nnan,ˈ kubébə ʾu-dòlma.ˈ ʾu-k-ráqḏax ʾu-k-mwúnsax ʾu-k-zàmrax,ˈ liʾánnahu pṣíxiyax b-áwa yóma də-k-áṯə máran ʾəb-gàwəḥ.ˈ
ʾu-ʾə́tlan ʾíḏa xə̀nna,ˈ ʾíḏa ràbaˈ ʾáhulə ʾíḏa də-qyámtəd màran.ˈ m-qámə mə́nnəḥ bə-šàbṯaˈ, kə-mʾédaxxə b-ošàʾnaˈ, w-awa-ošáʾna áhule xḏàraˈ ʾəm-màṯa,ˈ xə́ḏran màṯa.ˈ ək-ṭáʿnax kúlləhən, ək-ṭáʿnax sòkəˈ b-idàṯan.ˈ ʾu-kə-mṣàlax.ˈ kúlləhə ʾaxawiyā́t ʾək-pàlṭi,ˈ ʾu-kə-mṣálax dá màran,ˈ wa-ʾáhu d-íwa rkíwa lə-xmə̀rta.ˈ ʾu-xáḏrax əl-Baġdédə m-ʾíta ràbṯa.ˈ ʾu-k-náqšax əb-ʾíta Mar-Zèna,ˈ baʿdén əb-Sárkəs Bàrkəs,ˈ baʿdén əm-Mar-Gòrgəs,ˈ baʿdén əg-máṭax əl-Mar-Ḥàna,ˈ ʾu-g-dáʾrax baʿdén əl-Mar-Yàʿqob,ˈ baʿdén k-áṯax əl-ʾíta ràbṯa,ˈ máṯax xa-ṣlíwa … ʾíta ràbṯa.ˈ
ʾə́tlan ʾiḏawáṯa xə̀nnə,ˈ ʾáwa ʾíḏəd Már Benhám k-zálan gàwəḥ,ˈ k-zálan ʾəl-Már Benhàmˈ ʾu-táma ʾək-páṣxi kúlla ġdedàyəˈ ʾu-k-óḏi palóʾə d-əxàla,ˈ k-awúḏḏə ʾAbúna al-Xùri,ˈ k-awúḏḏə ʾəxála b-dèra,ˈ ʾu-k-éwul da-kúlləhə nàšə.ˈ ʾu-kə-mṣále b-ràmša,ˈ k-óḏi qudàša,ˈ ʾu-k-áṯe šamášə m-Baġdèdə,ˈ ʾu-ʾíṯə qə́səm nášə káṯe m-Baġdédə hál Már Benhám bə-rxàša.ˈ ʾu-táma k-áxli k-šáte k-ráqḏi k-mwùnsi.ˈ ʾu-ʾə́ṯwa qaméṯa k-záwalhə ʾəl-bəgùbə,ˈ ʾu-m-bəgúbə k-záwalhə əl-ʿénəd də-kə-masḥéwāla qaddíšta Sàra,ˈ ʾəb-máya ʾəd-iyéwa sə̀ryəˈ də-plə́ṭwāla nḏ̣ə́fta max dəhwà.ˈ
ʾu-ʾə́tlan ʾíḏa xə̀nna,ˈ ʾiḏə m-Már Kiryàkos,ˈ ʾáhulə xə́ḏran Baġdèdə,ˈ k-ráḥəq ʿán Baġdèdə,ˈ yáʿni tré kilometrā̀t.ˈ ʾu-táma kə-máṭe ġdedàyə,ˈ bə-rxàša kúlləhə k-zálhə.ˈ ʾu-kə-mṣàle,ˈ k-óḏi qudáša b-šeʾṯa-ʾəssə̀rˈ, ʾu-k-ìtwiˈ, k-áxli u-k-šáte u-k-óḏi palòʾe,ˈ ʾu-kúlləhə ġdedáyə k-áwe xa-jamī̀ʿ-uˈ … kúlləhə k-áwe lwìšəˈ ḥujáṯə ṣuqlə.ˈ |
|