|
ʾìṯwaˈ xa-ràbbən,ˈ tíwɛwa gu-xa-gəppìṯa.ˈ ṯéle xa-náša swarìya,ˈ rakáwa.ˈ ṣléle rəš-xa-ʾɛ̀na.ˈ tìwle,ˈ xílle mə̀ndi,ˈ štéle mìya.ˈ ʾíṯwale xákma zùze.ˈ qímle šqilìle.ˈ muttìleˈ rəš-d-ɛ-ʾɛ̀na.ˈ ʾàwwaˈ munšìle zúze díye.ˈ zìlle.ˈ ʾáwwa zílle b-ʾùrxa.ˈ ṯéle xá rakáwa xèna,ˈ swarìya.ˈ zílle rəš-ʾɛ̀na.ˈ qəm-xazèlaˈ ʾə̀mma dináre.ˈ šqilíle jal-jàldeˈ muttíle gu-jɛ̀beˈ ʾu-zìlle.ˈ ʾo-qamàyaˈ ʾámər ʾòhˈ zúzi munšìli.ˈ qɛ́mən dɛ̀ṛənˈ ʾázən šáqlən zùziˈ m-rəš-ʾɛ̀na.ˈ ha-t-ʾáṯe ʾo-náša qamàyaˈ máṭe l-ʾɛ̀naˈ ʾáṯe xa-náša sàwa.ˈ máṭe rəš-ʾɛ̀naˈ mattúla kàrteˈ ʾu-tíwle manyòxe.ˈ ʾo-qamáya ṱ-íle zúze mùnšyaˈ ṯéle ʾə́lle dìye.ˈ ʾàmərˈ mpáləṭla zùzi,!ˈ ʾə́mma dináre ʾána hon-mùnšəlla láxxa.ˈ lázəm yawə̀tla.ˈ yába lán-xəzya zùze,ˈ lá ʾáxxa-w tàmmaˈ ʾu-kízle b-ay-gòta.ˈ là.ˈ mə́re qaṭlə̀nnux.ˈ mə́re qṭùl!ˈ lìtli.ˈ zúze làn-xəzya.ˈ qìmleˈ qəm-qaṭə̀lle.ˈ qəm-qaṭə̀lle.ˈ ràbbənˈ yăḏət-mà-yle?ˈ ràbbənˈ ʾáwwa ṱ-i-sàxəḏ l-ʾálahaˈ ʾu-ṱ-i-mṣàle-uˈ lé-y-ʾaxəl bə̀sra-wˈ ʾáw y-amríle ràbbən.ˈ hóle tíwa gu-xa-gəppìṯaˈ ʾarbì-šənne.ˈ qìmɛleˈ mə́re mádam hàtxɛlaˈ ṱ-ázən ṭắyən báṯər ḥaqqùṯaˈ ʾu-na-ḥaqqùṯa.ˈ ʾɛ̀nila ḥaqqúṯaˈ ʾu-ʾɛ̀nila na-ḥaqqúṯa.ˈ mára ṣə̀lyɛleˈ ta-t-ʾázəl ʾùrxa.ˈ ʾálaha mšúdrəlle malàxa.ˈ mə́re ṣlí qamṯə-d-áwwa nàša,ˈ ràbbən,ˈ t-là-xaləṭ.ˈ ṣə́lyɛle qámṯe dìye.ˈ mə̀reˈ ha-gàni,ˈ lɛ̀kət zála?ˈ mə̀reˈ hon-zála ṭắya báṯər ḥaqqúṯa-w na-ḥaqqùṯa.ˈ ʾámər ʾap-ʾàna hówən zála ṭắya báṯər ḥaqqúṯa ʾu-na-ḥaqqùṯa.ˈ mə̀re,ˈ maláxa mə́re ṭla-ràbbən,ˈ mə́re ṱ-áwḏət b-xàbriˈ kú-məndi ṱ-amrə̀nnux?ˈ ʾámər hè.ˈ mə́re ma-yxàləf.ˈ mə́re ʾána w-áti xonăwàṯəx.ˈ zìlela,ˈ zíle, zíle, zíle gu-ḏà-maṯa.ˈ ʾaṣə̀rtɛla,ˈ b-áyya dána hàtxa,ˈ mə́xyela l-tắrət bɛ́ṯət xa-nàša.ˈ wìrela gu-bɛ́ṯa.ˈ šlàma-llɛxu!ˈ b-šɛ́na b-ṭawàṯa,ˈ páqḏu tìwe!ˈ tíwela tàmaˈ ʾu-xílela ʾixàlaˈ ʾu-píše dmìxe.ˈ dmìxela,ˈ b-lɛ̀le,ˈ maláxa mŭṛə̀šleˈqa-ràbbənˈ mə́re qù!ˈ qù!ˈ mə́re há də-šúqlən dàmxəx.ˈ lɛ́t-mira ṱ-óḏən b-xàbrux?ˈ qu-šqúlla ʾáyya skìnta.ˈ si-prúmle ʾáwwa yála zòraˈ ṱ-íle gu-dudìya.ˈ ʾaw-mə̀reˈ dáx pɛrmə́nne ʾàwwa?ˈ mút ḥaqqúṯa na-ḥaqqùṯɛla?ˈ mə́re nə́mu lɛ́t-mira ṱ-óḏən b-xàbrux?ˈ ʾàyyɛla.ˈ bắyət bằyət.ˈ la-bắyət si-prúmle yàla.ˈ bába-w yə́mmət yàlaˈ xamši-šə́nne ʾíṯwala ʾùmraˈ líṯwala bnòne.ˈ ʾáwwa yála yíwəlle ʾálaha ʾə́lla díya ʾəštà yárxe.ˈ ʾu-ʾáp-ʾawwa qəm-parmìle.ˈ ʾu-zìlla.ˈ b-lɛ̀le,ˈ zìlla,ˈ síqla xa-máṯa xèta.ˈ mə́re ʾáyya mút ḥaqqúṯa na-ḥaqqùṯɛla,ˈ ya-ʾaxòni?ˈ hátxa măləpə́tli ḥaqqúṯa ʾu-na-ḥaqqùṯa.ˈ zílela gu-ḏa-máṯa xèta.ˈ màra,ˈ ʾímət sìqlaˈ gu-d-ɛ̀-maṯa,ˈ wírra gu-xa-bɛ̀ṯa.ˈ muttúla ʾixála xàla.ˈ xa-ṭásət dàwaˈ qəm-mɛṯɛ̀la,ˈ mattíla tàma,ˈ mìya gáwa díya.ˈ ʾánna xílela ʾixàlaˈ ʾu-lɛ́la šə́tye míya mən-d-ɛ-ṭàsa.ˈ wítɛla b-lɛ̀le,ˈ maláxa mŭṛə́šle qa-ràbbən,ˈ mə́re qù!ˈ šqúlla ʾáyya ṭàsaˈ ʾu-háyyo mə̀nni.ˈ šqíləlla ṭása b-lɛ̀leˈ ʾu-núbləlla zə́dyəlla gu-ḏa-dɛ̀rta.ˈ šqíləlla mən-d-ɛ-dɛ̀rta,ˈ núbləlla zə́dyəlla gu-ḏa-xèta.ˈ mə́re ʾáyya mút ḥaqqúṯa na-ḥaqqùṯɛla?ˈ mút farqùṯɛla,ˈ gu-d-áyya dɛ́rta ʾaw-gu-d-ăyàha?ˈ ʾámər hàyyo!ˈ háyyo mə̀nni.ˈ nə́mu lan-mírəllux ku-mdi-ṱ-ámrən ṱ-óḏət b-xàbri?ˈ mə́re hè.ˈ márɛle síqela gu-xa-ṭùra,ˈ ṭúra ʾisáre ramàne.ˈ xa-náša sàwaˈ ʾúmre díye … yáʿni də́qne díye mṭáya l-ằra,ˈ hóle ṭína kɛ́rtət qɛ̀seˈ l-xàṣe.ˈ hóle tíwa l-kèpa,ˈ hàtxa.ˈ ʾánna pìḏela mə́nne díye,ˈ ʾap-šlàma lɛ́la də́ryəlle.ˈ maláxa mə́re ṭla-ràbbənˈ mə́re xzi-kəmɛ́le lxìma!ˈ si-mxi-ʾáqlux gu-xáṣe díye l-àyya kɛ́rtaˈ ʾu-hálle ṣàle,ˈ šáməṭ qḏále dìye.ˈ ʾámər mút ḥaqqúṯa na-ḥaqqùṯa?!ˈ na-ḥaqqúṯa là ʾawḏə́nna.ˈ mə́re nə́mu lat-mqúla mə̀nni?ˈ mə́re hè.ˈ mə́re də-sì!ˈ zílɛle maxéla-ʾaqle ʾə́lle dìyeˈ ʾap-ʾáw ṣàleˈ šáməṭle qḏàle.ˈ mə́re ṭla-mò hátxa,ˈ ya-xòni?ˈ ṭla-mò wídlux hátxa bíyi?ˈ ʾána zála báṯər ḥaqqúṯa na-ḥaqqúṯa t-ʾàlahaˈ w-áxxa-w támma ʾə́dyo ʾə̀dyoˈ mu-ṣṭímlux bɛ̀ṯi,ˈ ʾáti wídlux hátxa hátxa bìyi?ˈ mə́re mùt xə́zya qam-ʾɛ́nux?ˈ mə́re xə́zyɛwən ʾána ʾímə ṱ-ín tíwa láxxa ʾarbi-šə̀nne,ˈ hon-tíwa láxxa gu-d-áy gəppìṯa,ˈ ṯéle xa-náša swarìya,ˈ ṯéle zílle rəš-ʾɛ̀na.ˈ xílle mə̀ndiˈ ʾu-šwíqle zúze díye táma zìlle.ˈ ṯéle xa-xèna,ˈ ʾan-zúze šqilíle ʾu-zìlle.ˈ ṯéle xa-náša sàwa.ˈ díṛṛe ʾo-qamáya qəm-qaṭə́lle ʾo-sàwa.ˈ ṭla-mòdi?ˈ mə́re yằḏət,ˈ ʾo-gawáyə šqilíle zùzeˈ ʾáni zúzət bábe dìye,ˈ də̀mmɛla.ˈ ʾɛ́nile qṭìləlle?ˈ qṭíləlle ʾo-náša sàwa.ˈ ʾə́dyo ʾo-sáwa qəm-qaṭə̀lle.ˈ mə́re ma-yxàləf,ˈ ʾáyya ḏiyàli.ˈ ʾína módi bəd-brònaˈ ʾíṯwala xámši-w xámša šə̀nneˈ líṯwala bnòne?ˈ har-ʾàwwɛwa.ˈ mə́re xzí ṱ-amrə̀nnux,ˈ ʾu-màṣyəṯ.ˈ mə̀reˈ hál xámši-w xámša šə̀nneˈ y-awɛ́wa sxáḏa ʾalàha,ˈ y-ámər ya-ʾalàha,ˈ yawə́tlən xa-bròna.ˈ ʾímət ʾaláha yíwle ʾəlléy brònaˈ šuréla manšóyəlle ʾalàha,ˈ là txára ʾálaha,ˈ ʾu-là-mṣalɛwa qa-ʾálaha,ˈ har-dbíše b-bronèy.ˈ là,ˈ mə́re šaqlə́xle bronéy ta-t-taxríle ʾálaha xá-ga xèta.ˈ ʾámər ma-yxàləf,ˈ ʾap-ʾáyya qbilàli.ˈ módi bəd-manáyə d-áyya ṭàsaˈ dàwa,ˈ šqilálən m-àxxa,ˈ nublálən gu-d-yáha dɛ̀rta?ˈ mə́re ʾáwwa bɛ́ṯa xălàla-wewaˈ bás ʾáyya ṭása dàwaˈ gnàwa-wawa gnúta.ˈ ʾɛ-dɛ́rtə zədyálux gáwa díya kúlla genàwela.ˈ ʾálaha b-dayə̀nna.ˈ k̭áwa ṭla-d-àni.ˈ mə́re ma-yxàləf.ˈ ʾáwwa náša sáwa ṭla-mó qəm-maqəṭlə́tle bìyi?ˈ ʾáwwa náša sáwa rába ṭàwa-wewaˈ ʾu-y-azə́lwa b-úrxət ʾalàha.ˈ lɛ́wewa xlìṭaˈ ʾu-šuréle ʿajòzeˈ yáʿni kčàxa.ˈ ʾu-t-lá xàləṭˈ ṱ-ámər ya-ʾálaha šqùlliˈ ya-ʾálaha hátxa mə̀nni.ˈ qámət xàləṭ.ˈ ʾánna kúlla t-wiḏìli qámuxˈ ḏìlux módila?ˈ mə́re hé qəm-yăḏə̀nna.ˈ ʾu-mə́re si-dúṛ l-šòpux,ˈ ʾax-ʾarbí-šənne ṱ-it-ʾáti plíxa qa-ʾalàha,ˈ ʾu-pàlxeti.ˈ ʾána malàxən.ˈ ʾən-lá-ʾawḏət b-xábra dìyiˈ gánux šaqlə̀nna.ˈ ʾámər xáṭər ʾalàha,ˈ ʾu-xáṭər mšìxa,ˈ bas-lá dáqrət bìyi.ˈ ṱ-ázən šòpi.ˈ ṱ-axlə́nne lə́xmi hál ʾo-yómət mɛ̀ṯənˈ har-ʾúrxət ʾálaha dóqən b-ìḏi.ˈ šwiqáli tàmaˈ ʾu-ṯéli làxxa.ˈ |
|